Dancing is my cure...

Ég hef alltaf verið af og til að æfa dans, jazzballett, klassískan ballett og nútímadans. Dansinn gefur mér svo ótrúlega mikið og er fínn vettvangur fyrir þá sem vilja tjá sig (á annan hátt en að tala aðra í kaf). Nú er ég að æfa dans í JSB dansstúdíói (sem er staðsett í Lágmúlanum við hliðina á Nova) 2x í viku og hlakka alltaf til mánudags- og miðvikudagskvölda. Gæti vel hugsað mér að dansa öll kvöld í viku.

Á mér nokkra uppáhalds dansa úr So you think you can dance þáttunum og þessi er einn þeirra. Rólegur hip-hop með uppáhalds Twitch í aðalhlutverki ásamt Söshu (asnalegt að fallbeygja ensk nöfn). Það er ekki endilega dansinn sem mér finnst gera atriðið að því sem það er, heldur tónlistin, textinn og leikræna tjáningin hjá þeim. Very nice!

Lagið heitir Misty Blue og var gert frægt af Dorothy Moore fyrir nokkrum áratugum síðan. Ótrúlega fallegt lag sem itunes-ið mitt fær að spila reglulega.

ER

You never know if you never try...

Skrapp í IKEA í dag og innréttaði tilvonandi íbúð í huganum. Ég held þetta sé pretty much komið bara, vantar sófa, sófaborð og e-ð smotterí annað. Elska þessa sænsku snilld (nei ég er ekki á % frá þeim, ekki enn...). Keypti sitt lítið af hverju og meðal annars þetta hér að neðan. Ég er kertasjúk og hefði vel getað keypt mér nokkur sett af kertastjökum í búðinni...en ég ætla bíða með það svo ég enda ekki með kertaskraut sem passar svo ekkert við allt hitt innbúið. 

Svartur bakki á 795 kr.

Kerti á 295 kr. 

Svartir leirsteinar á 295 kr. held ég

Kertakósý undir 1500 kr. Það er ekki dýrt að gera huggulegt hjá sér í IKEA.

(Ekki enn á %...)

Update: Kertin kosta víst 1290 kr. og kertakósýið því orðið aðeins dýrara. Samt sem áður þess virði!

Edda Rós kertasjúka

Just the thought of you...

Þegar ég fór til Barcelona í október sl. féll ég kylliflöt fyrir skóm (ég kem sífellt á óvart ég veit). Þeir voru ekki til í minni stærð og því þurfti að hafa dálítið fyrir því að fá skóparið í minni stærð. Ég hef áður farið um London þvera og endilanga fyrir eitt skópar og því var þetta lítið mál, nema að þessu sinni lét ég starfsfólkið sjá um það.

Ég nota vanalega skó nr. 39/40 og það telst mjög óvanalegt (fyrir kvenmenn) í Suður-Evrópu löndum eins og t.d. á Spáni og Ítalíu. Ég hef oftar en einu sinni og oftar en tvisvar verið spurð "are you sure you need such big shoes" þegar ég bið um mitt númer (samt aðallega af karlmönnum) og upplifi mig sem eitthvað furðudýr. Furðudýr með stórar lappir...og í fallegum skóm eyeh?!

Ég hef lítið sem ekkert notað þá síðan þeir voru keyptir vegna ógeðslegs veðurs og ég tímdi ekki að skemma þá við fyrstu notkun. Nú er snjórinn hins vegar farinn og því upplagt að taka þessar elskur fram.

Well hello sunshine!

Ég dáist jafn mikið af þeim núna og ég gerði í október...það er heljarinnar aðdáun get ég sagt ykkur!

Edda Rós

x

I was blinded from the truth

Týpískur mánudagur. Hundleiðinlegt veður en fullkomið til að kúra undir sæng og horfa á góða bíómynd. En það er ekki í boði í dag. Er á leiðinni á smá fund til að ræða verkefni sem ég hef ákveðið að taka að mér. Ég er mjög spennt og hlakka til að takast á við eitthvað nýtt. Einhvers staðar þarf maður að byrja og þetta er mín leið út úr þægindahringnum. Superb!

Ef bara það væri hægt að eyða ákveðnum dögum...

Ég hef mikið verið að hugsa undanfarið (aðeins meira en venjulega, en bara örlítið). Það sem ég hef meðal annars veitt athygli er það sem ég get ekki breytt og að ég þurfi stundum að sætta mig við hluti sem urðu eða urðu ekki, sama hvort mér líkar betur eða verr. Svo er annað, að það er alltaf gott að halda í einhverja von. Von um að þetta og hitt geti einhvern tímann orðið að veruleika. 

Stundum heldur maður samt of lengi í vonina og bíður eftir merki um að þurfa að gefa hana upp á bátinn. Ég fékk mitt merki uppí Flugstöð í morgun þegar ég sótti frænku mína frá útlöndum...

...moving on og ætla að einbeita mér að öðru. Það borgar sig ekki að dvelja of lengi í fortíðinni heldur þarf að rýma til fyrir framtíðina og lifa í núinu.

Lifa í núinu, einmitt það sem ég ætla leggja mig fram í að gera.

You're my war. You're my truce.

Ég er orðin svo skotin í gripi, eins og orðabók.is kýs að þýða orðið clutch. Þetta bætir ákveðnu elegant touch-i við dressið og gerir "lúkkið" kvenlegra í leiðinni. Afsakið enskuslettubrjálæði.

Ég nenni hins vegar sjaldan að vera með grip, þar sem mér finnst þægilegra að hafa veski í bandi eða á öxlinni. En tíska snýst ekki alltaf um að vera þægileg, ekki satt!

Phillip Lim er snillingur á mörgum sviðum og hann kom með þessi grip fyrir vorlínuna sína 2012. Stílhrein og einföld=Einstaklega falleg.

Sumarlega brúnt þetta.

Gæti verið smart við ljóst dress.

Þetta er ágætis statement grip. Hverjum þætti ekki gaman að poppa dressið upp með gula litnum!

Olivia Palermo er oftast með hlutina á hreinu og sýnir hvað lítið gult grip getur gert heilan helling.

Svo fyrir okkur hin, sem hræðumst litagleði, þá er svart alltaf klassískt og gengur bæði á sumrin og veturna.

Edda Rós

...

Góða helgi elsku þið!

xx

Each day gets better

Ég hef prófað alls kyns hreinsivörur á húðina, allt frá einhverju ódýru no name merki og upp í dýrar kanebo hreinsivörur. Same shit, different day (price). 

Það er alveg ótrúlega merkilegt hvað þessi flottu merki geta selt sig á fúlgu fjár en virka svo ekkert betur en nivea kremið sem fæst í næstu matvöruverslun. Auðvitað eru til krem sem miklar rannsóknir liggja að baki og eiga að gera þetta og hitt, fjarlægja hrukkurnar og strekkja þig og teygja. Það kallast lýtaaðgerð og er meira í formi hnífs sem krukkar í þér.

L'oréal er eigandi margra snyrtivörumerkja, eins og til dæmis Helenu Rubinstein. Þeir eru með helling af rannsóknamönnum í vinnu til að uppgötva hin og þessi kraftaverk. Ef rannsóknamennirnir vinna sína vinnu vel og uppgötva eitthvað sérstakt, hvað haldið þið þá að háttsettir herrar innan L'oréal geri? Jú, auðvitað setja þeir þetta kraftaverk í allar sínar vörur (t.d. andlitskrem), sama hvort þær heita L'oréal eða Helena Rubinstein. Svo fara tveir auðtrúa neytendur á stjá, annar kaupir HR kremið fyrir 6000 kr meðan hinn útsjónarsami neytandinn splæsir í ódýrara kremið fyrir 3000 kr. Þarna sparar hann sér 3000 kr og getur farið í bíó og fengið sér popp og kók. Einfalt!

Ég er samt aðeins farin út fyrir efnið því ég ætlaði að segja ykkur frá snilldarvörum sem ég kynntist fyrir nokkrum árum. Þetta eru vörur fyrir andlit og líkama sem næra og hreinsa húðina og heita YesTo. Fengust á Íslandi fyrir einhverju síðan en ákvað var að hætta að flytja þær inn sökum hás tolls. Takk Ísland.

Þær eru án parabena (sem talið er að valdi krabbameini) og annarra aukaefna. Enn meiri snilld.

Þær skiptast í 4 tegundir: YesTo carrots er til að næra húðina, YesTo cucumbers er fyrir viðkvæma húð, YesTo tomatoes er fyrir blandaða húð og YesTo blueberries er fyrir eldri húð.

Ég hef bæði prófað gúrkulínuna og tómatalínuna. Elska þessar vörur! Þær fást í Target og þessum apótekum í USA (Walgreens og CVS t.d.) og líka í Sephora búðum í Evrópu.

Mæli 100% með þessu. Hugsum vel um stærsta líffæri líkamans kids og eyðum ekki meira en við þurfum...

YesTo for the win!

Edda Rós

Got my eyes on...

Skartgripir eru skemmtilegir og lífga mikið upp á hin ýmsu dress. Þetta myndi örugglega sóma sér vel uppí hillu með hinu glingrinu mínu...

Langir fjaðralokkar.

Þessir eru á leiðinni til mín, jei!

Þessir mættu líka vera það...

Töffaraskapur.

Armband þar sem þú getur sjálf/-ur ráðið áletruninni.

Hálsmen sem gæti gert hvaða leiðinlega t-shirt að skemmtigarði.

Fínt fínt.

Þetta fæst allt saman hjá sænskri stelpu (hér) sem er að selja fallega skartgripi. Eins og er, býður hún ekki upp á PayPal þannig það þarf að senda peningana til hennar með millifærslu. Ég ætla ekki að segja ykkur hvað það kostar þar sem ég er enn í sjokki eftir að hafa farið í bankann í gær, misskilið bankastarfsmanninn og borgað aðra höndina bara svo ég gæti greitt fyrir eyrnalokkana. Sjokki, segi ég!

En ég lét sænsku píuna vita að ef hún gæti nú skellt upp paypal option-i á síðuna sína, þá ætti hún von á fleiri íslenskum viðskiptavinum. Bíðum og vonum...

Edda Rós