Wanted

Sá þetta úr fyrir rúmlega mánuði síðan og ég hugsa enn um það. Frá Links of London og er úr rósagulli.

Oh how pretty you are... 

...og bara á £350 sem gera tæplega 70.000 íslenskar krónur - gjöf en ekki gjald!

One day...

Vaki á næturnar-Sef á daginn

Ég er það sem fræðimenn kalla B-manneskja. Það er mér ótrúlega erfitt að vakna klukkan 07:00 á morgnana, koma mér fram úr og haga mér eðlilega. Líkaminn er á OFF til ca 10:00. Mér finnst yndislegt að fara seint að sofa og vera vakandi þegar allir aðrir eru sofandi. Góð bíómynd eða tónlist og kertaljós. Ég nýt þess að vera í þögninni og einmitt á þessum tíma fer heilinn af stað (hann mætti nú alveg venja sig á að gera það yfir daginn...allavega svona í miðri viku).

Núna þegar ég er búin í skólanum (síðasta önnin mín var fullkomin, þurfti ekki að vakna við vekjaraklukku og gat einmitt vakið næstum eins lengi og mig lysti) er ég byrjuð að vinna. Þá er sko ekkert elsku mamma, heldur mun ég gjöra svo vel og stilla vekjaraklukkuna á 07:00 og VAKNA þá (ekki bara opna augun og vera á sjálfstýringu). Ég er reyndar ánægð með að vera byrja í einhverri rútínu og koma á sama tíma jafnvægi á hlutina, líkama og sál (ókei Edda Rós).

En ég kann ekkert að vakna svona snemma, hvað þá að fara sofa á „eðlilegum“ tíma, þannig þetta mun þurfa að venjast eins og allt annað.

Góða nótt x 

I found myself in Wonderland

Ég er dreymin í dag.

Mig langar að stinga af - ekki í spegilsléttan fjörð samt.

Meira til suðrænna eyja.

Þar sem sandurinn er hvítur.

Pálmatrén leika í vindinum.

Ananasdjúsinn er borinn fram í ananasnum sjálfum.

Melóna og kókoshneta í morgunmat.

Sólin dundar sér við að næra mig með D vítamíni.

Og þrír krúttlegir gamlir menn spila á banjó, bongótrommur og syngja fyrir mig spænskar vísur.

Mig dreymir...

...

Annual Report - 2011

Árið mitt í nokkrum orðum (en ekki myndum):

• Hélt áfram í skólanum og dansinum.
• Gerði helling sniðugt með stelpunum, bústaðaferð, veitingastaðaheimsóknir, útlandaferðir, kaffihúsahittingar, danstryllingar o.fl.
• Lenti í fyrstu aftanákeyrslunni (ég var blásaklaus í þetta sinn)...og það á afmælisdaginn. Score!
• Datt í lukkupottinn þegar ég fékk vinnu sem flugfreyja hjá Icelandair, skemmtilegasta sumarstarfið.
• Ferðaðist til nokkurra nýrra borga: Vínar, Washington DC, Barcelona og Edinborgar. Flaug líka til staða sem ég hef aldrei áður komið til...en klukkutími á hverjum stað telur ekki!
• Skrifaði minn fyrsta blaðapistil.
• Keypti mér minn fyrsta bíl...sem er btw fullkominn!
• Smakkaði rauðvín í fyrsta sinn...á ævinni.
• Fór á fimleikaæfingar, körfuboltaæfingar og grunnnámskeið í CrossFit. Allt betra en að hanga í líkamsræktarstöðvum...
• Kynntist helling af nýrri tónlist.
• Fór í flugtíma.
• Tók upp eftirnafn afa og mömmu, Thorarensen.
• Fór á mína allra fyrstu Þjóðhátíð - halelúja!
• Styrkti vináttusamband við fullt af gömlum vinkonum sem mér þykir ótrúlega vænt um.
• Kynntist aragrúa af nýju fólki, bæði í sumarvinnunni og utan vinnu. Flest allt fólk sem mig langar að hafa sem part af mínu lífi áfram.
• Elskaði, hataði, hló, grenjaði, reiddist og grínaðist. Djók ég hata ekki (!).

Það er hellingur í viðbót sem ég man ekkert eftir (enda með lélegasta minni norðan miðbaugs). En þetta var stiklað á stóru. Ótrúlega gott ár í alla staði held ég bara og ég vona að 2012 nái að toppa það!

ERST

Welcome to Iceland, the home of Icelandair...

Ég er komin heim - eftir að hafa rignt niður og fokið upp!

Að eyða áramótunum með Ragnari (bró) og Ester (mágkonu) var hreint út sagt snilld. Fórum í Street Party á gamlárskvöld þar sem voru fullt af tónleikum. Aðal böndin voru Bombay Bicycle Club og Primal Scream en svo sáum við líka restina af Friendly Fires showinu. Við gerðum margt fleira en hlusta á góða tónlist í Edinborg þó svo það hafi verið einna helst áberandi þessa dvöl mína. Fórum t.d. á kaffihús, bari, búðir, dýflissu og veitingastaði svo fátt eitt sé nefnt. Myndir segja oft meira en 1000 orð og ég leyfi nokkrum að fylgja með, set fleiri á facebook.

Takk æðislega fyrir mig elsku Ragnar og Ester, þið fáið fyrstu verðlaun fyrir gestrisni og ég er strax farin að sakna ykkar og spila lagið sem mun alltaf minna mig á þessa ferð:

Edinborgarferðin í myndum:

Flugvallatjill-best

Fallega borg

Áramótamaturinn-Sveppa girasolle

Hressar á tónleikunum

Happy New Year!

Fórum í fiskafótabað-spes...vægast sagt.

Systkinin

Ester Skoti

Súkkulaðifudge...mmm

Edinborg er ótrúlega falleg borg og ég hvet ykkur öll að fara þangað. Munið bara eftir regnhlífinni - hún er nauðsynleg!

Edda Rós

Checkin' in

*UPDATE: Vegna veðurs kem ég heim á morgun, 5. janúar. Hlakka til að sjá ykkur öll á nýju ári.

Búið að vera brjálað stuð hérna í Edinborg hjá okkur skyttunum þremur.

Myndir og fleira kemur eftir að ég kem heim en vildi bara láta ykkur vita að ég er á lífi og miklu meira en það. Vonandi er nýja árið ykkar að byrja vel!

Flug til Íslands 3. janúar og ég ætla nýta tímann hér vel sem eftir er.

So long suckers...

...djók.

Bæ.

2011 á Íslandi & 2012 í Edinborg

Hér ætla ég að vera næstu daga og njóta lífsins. Ýmislegt planað og annað óákveðið, enda er það nú oftast þannig að það sem er ekki ákveðið fyrirfram kemur mest skemmtilega á óvart. Hlakka til að byrja nýja árið í útlöndum og ég hef einstaklega góða tilfinningu fyrir 2012 (slétttöluárin eru jú ávallt betri).

Veit ekki hversu tölvutengd ég verð þarna úti, en lofa ykkur e-u djúsí þegar ég kem heim. Hendi jafnvel í einn 2011 annál...spennandi!

Hafið það sem best yfir áramótin krúttmúffur.

Edda Rós x